～來忘掉錯對 來懷念過去 曾共渡患難日子總有樂趣～
意佬一跳上呢架Royal Enfield，我心裡不停loop住健麵嗰首友情歲月。
近年老公工作辛苦咗，壓力大咗。今次返咗嚟意佬家鄉放假，「叮」兩個突然靈機一觸 ： 買返架僕僕僕電單車 🛵
人就算有多忙，都要留時間俾自己玩！
人生苦短，當你朝朝拍熄咗幾次鬧鐘先捨得落床，頭髮未吹乾已飛奔到巴士站排長龍，0900打卡，2000打返屋企叫唔洗等你開飯因爲仲喺公司搏殺緊。就係咁日復日，年復年，你會問自己：「到底我嘅人生係咪咁就奉獻給工作？長年累月忙得焦頭爛額的我到底為咗乜？」答案有廿版紙：為供樓，為交阿仔學費，為家用，為下個買禮物俾好姊妹牛一......錢當然重要，當賺錢過後回頭一望，原來辛苦得來的，自己從冇享受過丁點，或至少獎勵一下自己，換來得條毛太悲哀。
以前年少輕狂的佢仲揸緊華弟天若有情嘅Ducati 呢！年紀大咗有名你叫意佬😆揸返架馬力細啲嘅車仔，閑時就可載佢老婆我四處兜兜風，唔洗10歐羅油就夠踩足大半日，兩個人買飛睇套戲都唔只啦！
青春總會逝去，但回憶永遠都唔會離開
你。第時兩夫妻老到眼都花電單車都揸唔到時，兩公婆久唔久摷返啲電單車相出嚟睇，都已經夠開心😃
#DucatiVsRoyalEnfield
#十八廿二vs十八加廿二
Search